Nú er L.í.ú. svoldið sammála LÍÚ.

Ég er að nokkru leiti sammála LÍÚ hvað varðar strandaveiðarnar. Það er alveg óhætt að segja að þar fór allt eins og til var stofnað. En þar sem að þetta var gríðarlega jákvætt fyrsta skref útúr handónýtu fiskveiðiÓstjórnar kerfi er ég þeim algjörlega ósammála um að þetta eigi að leggja af. Gallana á að sníða af strandveiðunum og það er lítið mál að gera það. En þá þarf að gjörbreyta þessum lögum. 

 Til að byrja með á að heimila veiðarnar allt árið um kring, það er sáralítil færaveiði á veturna svo ekki er ástæða til að banna þær. Sumir stjórnmálamenn segja það öryggisatriði að leyfa ekki sókn á þessum bátum yfir vetratímann, en það er einfaldlega kjaftæði. Séu þessir bátar með heilsárshaffæri þá á auðvitað að leyfa þeim að sækja sjó. Handfæraveiðar er sá veiðiskapur sem skapar bátunum minnsta hættu.

800kg á dag. Þetta er óskiljanleg takmörkun enda var hún sett á af því bara. Auðvitað á að leyfa mönnum að fiska eins og þeir vilja.

14 tímar hámarkslengd á róðri er jafn heimskuleg og 800kg reglan. Þessar 2 reglur tvöfalda olíukostnað við veiðarnar miðað við það sem eðlilegt getur talist.

Bannað að róa á föstudögum og laugardögum. Enn önnur regla sem sett var af því bara. Mér dettur í hug góði dátinn Svejk "agi verður að vera" sagði hann og það þarfnaðist engra frekari skýringa. Heldur Jón Bjarna að fiskurinn sé eitthvað öðruvísi þessa daga en aðra?

Svæðaskipting á landinu. Þessi regla á alltaf eftir að skapa fleiri vandamál en hún leysir alveg sama hvaða breytingar verða gerðar á henni. Það er líka alveg út í hött að setja í lög árið 2009 ákvæði sem takamarkar ferðir manna um landið og miðinn.

Frjálsar veiðar úr sameiginlegum potti eins og í sumar ganga ekki upp. Þessi takmörkun ásamt öllum hinum gerði það að verkum að það var búið að taka flest alla verstu eiginleika allra veiðistjórnunarkerfa og blanda þeim saman í þennan laga-bastarð. 

4 rúllur á bát. Ef hægt er að fallast á einhverja takamörkun þá er það þessi. Þó finnst mér hún líka algjörlega ástæðulaus.  

Það er enginn ástæða til að takamarka handfæraveiðar og þess vegna eru þessar takmarkanir allar tóm vitleysa. Það má segja að það leiði okkur beint að stefnu Samfylkingar í sjávarútvegsmálum sem kveður á um frjálsar veiðar og að greitt sé veiðigjald af lönduðum afla.

 Því er iðulega haldið fram að verði veiðar gefnar frjálsar þá fari allir á sjó. Þessi þvættingur var afsannaður í sumar. Þó að vissulega hafi munfleiri fengið leyfi til veiðanna en flestir áttu von á þá var stór hluti þeirra sem uppfylltu skilyrði og fengu leifi sem ekki hirtu um að taka þátt í viðunum. Það er varla hægt að tala um að þeir sem veiddu einhver 5 tonn og þaðan af minna hafi tekið þátt í þessu og margir fóru ekki eina einustu ferð.

Þá gætu lögin hljómað eitthvað á þessa leið.

Engar takmarkanir eru á handfæraveiðum íslenskra ríkisborgara í Íslenskri lögsögu aðrar en að bátar verða að hafa gilt veiðileyfi og haffærisskírteini. Aflagjald skal greiða sem samkvæmt reglugerð.

Einfalt og gott. 

 

Misheppnaðar strandveiðar

Athugasemdir

[zappa (IP-tala skráð) 1.11.2009 kl. 20:15]

sammála þér að flestu leyti,en segðu mér hvernig þér litist á að þeir sem fiska í þessu kerfi megi ekki fiska úr öðrum kerfum,því töluvert var um að bátar sem áttu kvóta fengu að færa sig yfir í "frjálsu veiðarnar" og heyrði maður jafnvel sögur af að samantekin ráð hafi verið um slíkt á sumum stöðum í þeim tilgangi einum að eyðileggja fyrir öðrum sem áhuga hefðu á að komast á þessar veiðar-fleiri bátar-minna til skipta.

[L.i.ú., 2.11.2009 kl. 17:59]

Ég er ekki hlynntur því að banna þeim sem eiga kvóta að fara í þessar veiðar. Enda sé ég engan tilgang með því að takmarka handfæraveiðar. Þrátt fyrir að ég sé verulega ósáttur við það hvernig viðskiptum með kvóta hefur verið háttað í gegnum tíðina þá verðum við að hafa í huga að hvorki þeir sem hafa keypt eða selt kvóta voru að brjóta lög og þess vegna á ekki að refsa þeim fyrir það. En verði fyrirkomulag veiðanna í framtíðinni í líkingu við það sem var í ár (allir að veiða úr örsmáum sameiginlegum potti) þá tel ég sjálfsagt að reyna að halda þeim sem hafa nýlega selt kvótann sinn og eins þeim sem leigja frá sér kvóta utan við veiðarnar.